Кеңес әскерінің ауған жерінен шығарылғанына биыл 31 жыл толуына орай, ауған соғысы ардагерлері, ауылдас ағалармен кездесу өтті. Батыр ағалар ерлігін кеңінен дәріптеп, жастарды отансүйгіштікке тәрбиелеу мақсатында ұйымдастырылған бұл шара да емін-жарқын естелік әңгімелер айтылды.

Сұрапыл соғыс туралы шағын бейнебаян көрсетіліп, ауылдық кітапхана меңгерушісі Гүлсін Салихатқызының ұйымдастырған кітап көрмесі де қонақтар назарына ұсынылды. Кездесу соңы мектеп оқушыларының концерттік бағдарламасымен тәмәмдалды.